Iti 105

Taṇhuppādasutta

Vuttañhetaṁ bhagavatā vuttamarahatāti me sutaṁ:

The Arising of Craving

This was said by the Buddha, the Perfected One: that is what I heard.

“Cattārome, bhikkhave, taṇhuppādā, yattha bhikkhuno taṇhā uppajjamānā uppajjati. Katame cattāro? Cīvarahetu vā, bhikkhave, bhikkhuno taṇhā uppajjamānā uppajjati; piṇḍapātahetu vā, bhikkhave, bhikkhuno taṇhā uppajjamānā uppajjati; senāsanahetu vā, bhikkhave, bhikkhuno taṇhā uppajjamānā uppajjati; itibhavābhavahetu vā, bhikkhave, bhikkhuno taṇhā uppajjamānā uppajjati. Ime kho, bhikkhave, cattāro taṇhuppādā yattha bhikkhuno taṇhā uppajjamānā uppajjatī”ti. Etamatthaṁ bhagavā avoca. Tatthetaṁ iti vuccati:

“Mendicants, there are four things that give rise to craving in a mendicant. What four? For the sake of robes, almsfood, lodgings, or rebirth in this or that state. These are the four things that give rise to craving in a mendicant.” The Buddha spoke this matter. On this it is said:

“Taṇhādutiyo puriso, dīghamaddhāna saṁsaraṁ; Itthabhāvaññathābhāvaṁ, saṁsaraṁ nātivattati.

“Craving is a person’s partner as they transmigrate on this long journey. They go from this state to another, but don’t escape transmigration.

Etamādīnavaṁ ñatvā, taṇhaṁ dukkhassa sambhavaṁ; Vītataṇho anādāno, sato bhikkhu paribbaje”ti.

Knowing this danger, that craving is the cause of suffering— rid of craving, free of grasping, a mendicant would wander mindful.”

Ayampi attho vutto bhagavatā, iti me sutanti.

This too is a matter that was spoken by the Blessed One: that is what I heard.