AN 3.120

Paṭhamasoceyyasutta

“Tīṇimāni, bhikkhave, soceyyāni. Katamāni tīṇi? Kāyasoceyyaṁ, vacīsoceyyaṁ, manosoceyyaṁ. Katamañca, bhikkhave, kāyasoceyyaṁ? Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti. Idaṁ vuccati, bhikkhave, kāyasoceyyaṁ.

Purity (1st)

“Mendicants, there are these three kinds of purity. What three? Purity of body, speech, and mind. And what is purity of body? It’s when someone doesn’t kill living creatures, steal, or commit sexual misconduct. This is called ‘purity of body’.

Katamañca, bhikkhave, vacīsoceyyaṁ? Idha, bhikkhave, ekacco musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti. Idaṁ vuccati, bhikkhave, vacīsoceyyaṁ.

And what is purity of speech? It’s when someone doesn’t use speech that’s false, backbiting, harsh, or nonsensical. This is called ‘purity of speech’.

Katamañca, bhikkhave, manosoceyyaṁ? Idha, bhikkhave, ekacco anabhijjhālu hoti abyāpannacitto sammādiṭṭhiko. Idaṁ vuccati, bhikkhave, manosoceyyaṁ. Imāni kho, bhikkhave, tīṇi soceyyānī”ti.

And what is purity of mind? It’s when someone is content, kind-hearted, and has right view. This is called ‘purity of mind’. These are the three kinds of purity.”