Sutta Piṭaka
Samiddhisutta
Samiddhisutta
Atha kho āyasmā samiddhi yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ samiddhiṁ āyasmā sāriputto etadavoca:
With Samiddhi
Then Venerable Samiddhi went up to Venerable Sāriputta, bowed, and sat to one side. Venerable Sāriputta said to him:
“Kimārammaṇā, samiddhi, purisassa saṅkappavitakkā uppajjantī”ti? “Nāmarūpārammaṇā, bhante”ti.
“Samiddhi, based on what do thoughts arise in a person?” “Based on name and form, sir.”
“Te pana, samiddhi, kva nānattaṁ gacchantī”ti? “Dhātūsu, bhante”ti.
“Where do they become diversified?” “In the elements.”
“Te pana, samiddhi, kiṁsamudayā”ti? “Phassasamudayā, bhante”ti.
“What is their origin?” “Contact is their origin.”
“Te pana, samiddhi, kiṁsamosaraṇā”ti? “Vedanāsamosaraṇā, bhante”ti.
“What is their meeting place?” “Feeling is their meeting place.”
“Te pana, samiddhi, kiṁpamukhā”ti? “Samādhippamukhā, bhante”ti.
“What is their chief?” “Immersion is their chief.”
“Te pana, samiddhi, kiṁadhipateyyā”ti? “Satādhipateyyā, bhante”ti.
“What is their ruler?” “Mindfulness is their ruler.”
“Te pana, samiddhi, kiṁuttarā”ti? “Paññuttarā, bhante”ti.
“What is their overseer?” “Wisdom is their overseer.”
“Te pana, samiddhi, kiṁsārā”ti? “Vimuttisārā, bhante”ti.
“What is their core?” “Freedom is their core.”
“Te pana, samiddhi, kiṁogadhā”ti? “Amatogadhā, bhante”ti.
“What is their objective?” “Their objective is freedom from death.”
“‘Kimārammaṇā, samiddhi, purisassa saṅkappavitakkā uppajjantī’ti, iti puṭṭho samāno ‘nāmarūpārammaṇā, bhante’ti vadesi. ‘Te pana, samiddhi, kva nānattaṁ gacchantī’ti, iti puṭṭho samāno ‘dhātūsu, bhante’ti vadesi. ‘Te pana, samiddhi, kiṁsamudayā’ti, iti puṭṭho samāno ‘phassasamudayā, bhante’ti vadesi. ‘Te pana, samiddhi, kiṁsamosaraṇā’ti, iti puṭṭho samāno ‘vedanāsamosaraṇā, bhante’ti vadesi. ‘Te pana, samiddhi, kiṁpamukhā’ti, iti puṭṭho samāno ‘samādhippamukhā, bhante’ti vadesi. ‘Te pana, samiddhi, kiṁadhipateyyā’ti, iti puṭṭho samāno ‘satādhipateyyā, bhante’ti vadesi. ‘Te pana, samiddhi, kiṁuttarā’ti, iti puṭṭho samāno ‘paññuttarā, bhante’ti vadesi. ‘Te pana, samiddhi, kiṁsārā’ti, iti puṭṭho samāno ‘vimuttisārā, bhante’ti vadesi. ‘Te pana, samiddhi, kiṁogadhā’ti, iti puṭṭho samāno ‘amatogadhā, bhante’ti vadesi. Sādhu sādhu, samiddhi. Sādhu kho tvaṁ, samiddhi, puṭṭho puṭṭho vissajjesi, tena ca mā maññī”ti.
“Samiddhi, when you were asked what is the basis on which thoughts arise in a person, you answered ‘name and form’. When you were asked … what is their objective, you answered ‘freedom from death’. Good, good, Samiddhi! It’s good that you answered each question. But don’t get conceited because of that.”