Bi Pc 13

13. Ajjhokāsasallapanasikkhāpada

Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena bhaddāya kāpilāniyā antevāsiniyā bhikkhuniyā ñātako puriso gāmakā sāvatthiṁ agamāsi kenacideva karaṇīyena. Atha kho sā bhikkhunī— “bhagavatā paṭikkhittaṁ paṭicchanne okāse purisena saddhiṁ ekenekā santiṭṭhituṁ sallapitun”ti teneva purisena saddhiṁ ajjhokāse ekenekā santiṭṭhatipi sallapatipi. Yā tā bhikkhuniyo appicchā …pe… tā ujjhāyanti khiyyanti vipācenti— “kathañhi nāma bhikkhunī ajjhokāse purisena saddhiṁ ekenekā santiṭṭhissatipi sallapissatipī”ti …pe… “saccaṁ kira, bhikkhave, bhikkhunī ajjhokāse purisena saddhiṁ ekenekā santiṭṭhatipi sallapatipī”ti? “Saccaṁ, bhagavā”ti. Vigarahi buddho bhagavā …pe… kathañhi nāma, bhikkhave, bhikkhunī ajjhokāse purisena saddhiṁ ekenekā santiṭṭhissatipi sallapissatipi. Netaṁ, bhikkhave, appasannānaṁ vā pasādāya …pe… evañca pana, bhikkhave, bhikkhuniyo imaṁ sikkhāpadaṁ uddisantu—

Meeting a man in the open Origin story

At one time when the Buddha was staying at Sāvatthī in Anāthapiṇḍika’s Monastery, a male relative of a nun who was a pupil of Bhaddā Kāpilānī went from his own village to Sāvatthī on some business. Then, knowing that the Buddha had prohibited standing or talking alone with a man in a concealed place, she instead stood and talked alone with that man out in the open. The nuns of few desires complained and criticized her, “How could a nun do such a thing?” … “Is it true, monks, that a nun did this?” “It’s true, sir.” The Buddha rebuked her … “How could a nun do such a thing? This will affect people’s confidence …” … “And, monks, the nuns should recite this training rule like this:

“Yā pana bhikkhunī ajjhokāse purisena saddhiṁ ekenekā santiṭṭheyya vā sallapeyya vā, pācittiyan”ti.

Final ruling

‘If a nun stands or talks alone with a man out in the open, she commits an offense entailing confession.’”

Yā panāti yā yādisā …pe… bhikkhunīti …pe… ayaṁ imasmiṁ atthe adhippetā bhikkhunīti. Ajjhokāso nāma appaṭicchanno hoti kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā, yena kenaci appaṭicchanno hoti. Puriso nāma manussapuriso, na yakkho na peto na tiracchānagato, viññū paṭibalo santiṭṭhituṁ sallapituṁ. Saddhinti ekato. Ekenekāti puriso ceva hoti bhikkhunī ca. Santiṭṭheyya vāti purisassa hatthapāse tiṭṭhati, āpatti pācittiyassa. Sallapeyya vāti purisassa hatthapāse ṭhitā sallapati, āpatti pācittiyassa. Hatthapāsaṁ vijahitvā santiṭṭhati vā sallapati vā, āpatti dukkaṭassa. Yakkhena vā petena vā paṇḍakena vā tiracchānagatamanussaviggahena vā saddhiṁ santiṭṭhati vā sallapati vā, āpatti dukkaṭassa.

Definitions

A: whoever … Nun: … The nun who has been given the full ordination in unanimity by both Sanghas through a legal procedure consisting of one motion and three announcements that is irreversible and fit to stand—this sort of nun is meant in this case. Out in the open: not concealed by a wall, a door, a screen, a cloth screen, a tree, a pillar, a grain container, or anything else. A man: a human male, not a male spirit, not a male ghost, not a male animal. He understands and is capable of standing together and talking. With: together. Alone: just the man and the nun. Stands with: if she stands within arm’s reach of the man, she commits an offense entailing confession. Talks with: if she stands talking within arm’s reach of the man, she commits an offense entailing confession. If she stands or talks outside of arm’s reach, she commits an offense of wrong conduct. If she stands or talks with a male spirit, a male ghost, a paṇḍaka, or a male animal in human form, she commits an offense of wrong conduct.

Anāpatti—

Non-offenses

There is no offense:

yo koci viññū dutiyo hoti, arahopekkhā, aññavihitā santiṭṭhati vā sallapati vā, ummattikāya, ādikammikāyāti.

if she has a companion who understands; if she is not seeking privacy; if she stands or talks thinking of something else; if she is insane; if she is the first offender.