Abhidhamma Piṭaka
24.14. Saraṇaduka, Hetuduka
24.14. Saraṇaduka, Hetuduka
Nasaraṇaṁ nahetuṁ dhammaṁ paṭicca araṇo hetu dhammo uppajjati hetupaccayā. Naaraṇaṁ nahetuṁ dhammaṁ paṭicca saraṇo hetu dhammo uppajjati hetupaccayā. (Saṅkhittaṁ.) Hetuyā dve …pe… avigate dve.
Nasaraṇaṁ nanahetuṁ dhammaṁ paṭicca araṇo nahetu dhammo uppajjati hetupaccayā.
Naaraṇaṁ nanahetuṁ dhammaṁ paṭicca araṇo nahetu dhammo uppajjati hetupaccayā. Naaraṇaṁ nanahetuṁ dhammaṁ paṭicca saraṇo nahetu dhammo uppajjati hetupaccayā. Naaraṇaṁ nanahetuṁ dhammaṁ paṭicca saraṇo nahetu ca araṇo nahetu ca dhammā uppajjanti hetupaccayā … tīṇi. (Saṅkhittaṁ.) Hetuyā cattāri, ārammaṇe dve …pe… vipāke ekaṁ …pe… avigate cattāri.