Pāli · Abhidhamma Piṭaka (Pāli, Mahāsaṅgīti)
Saṁvarakathā
Atthi devesu saṁvaroti? Āmantā. Atthi devesu asaṁvaroti? Na hevaṁ vattabbe …pe….
TheravādaAbhidhamma Piṭaka 5.3.10HOLYMAP · SACRED TEXTS
Abhidhamma Piṭaka
Abhidhamma Piṭaka 5.3.10
Saṁvarakathā
Pāli · Abhidhamma Piṭaka (Pāli, Mahāsaṅgīti)
Natthi devesu asaṁvaroti? Āmantā. Natthi devesu saṁvaroti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Nanu asaṁvarā saṁvaro sīlaṁ, atthi devesu saṁvaroti? Āmantā. Atthi devesu asaṁvaro, yamhā asaṁvarā saṁvaro sīlanti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Ājānāhi niggahaṁ. Hañci asaṁvarā saṁvaro sīlaṁ, atthi devesu saṁvaro, tena vata re vattabbe— “atthi devesu asaṁvaro, yamhā asaṁvarā saṁvaro sīlan”ti. Yaṁ tattha vadesi— “vattabbe kho— ‘asaṁvarā saṁvaro sīlaṁ, atthi devesu saṁvaro’, no ca vattabbe— ‘atthi devesu asaṁvaro, yamhā asaṁvarā saṁvaro sīlan’”ti micchā.
Pāli · Abhidhamma Piṭaka (Pāli, Mahāsaṅgīti)
No ce pana vattabbe— “atthi devesu asaṁvaro, yamhā asaṁvarā saṁvaro sīlan”ti, no ca vata re vattabbe— “asaṁvarā saṁvaro sīlaṁ, atthi devesu saṁvaro”ti. Yaṁ tattha vadesi— “vattabbe kho ‘asaṁvarā saṁvaro sīlaṁ, atthi devesu saṁvaro’, no ca vattabbe— ‘atthi devesu asaṁvaro, yamhā asaṁvarā saṁvaro sīlan’”ti micchā.
Pāli · Abhidhamma Piṭaka (Pāli, Mahāsaṅgīti)
Atthi manussesu saṁvaro, atthi tattha asaṁvaroti? Āmantā. Atthi devesu saṁvaro, atthi tattha asaṁvaroti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Atthi devesu saṁvaro, natthi tattha asaṁvaroti? Āmantā. Atthi manussesu saṁvaro, natthi tattha asaṁvaroti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Atthi devesu pāṇātipātā veramaṇīti? Āmantā. Atthi devesu pāṇātipātoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Atthi devesu surāmerayamajjapamādaṭṭhānā veramaṇīti? Āmantā. Atthi devesu surāmerayamajjapamādaṭṭhānanti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Natthi devesu pāṇātipātoti? Āmantā. Natthi devesu pāṇātipātā veramaṇīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Natthi devesu surāmerayamajjapamādaṭṭhānanti? Āmantā. Natthi devesu surāmerayamajjapamādaṭṭhānā veramaṇīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Atthi manussesu pāṇātipātā veramaṇi, atthi tattha pāṇātipātoti? Āmantā. Atthi devesu pāṇātipātā veramaṇi, atthi tattha pāṇātipātoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Atthi manussesu surāmerayamajjapamādaṭṭhānā veramaṇi, atthi tattha surāmerayamajjapamādaṭṭhānanti? Āmantā. Atthi devesu surāmerayamajjapamādaṭṭhānā veramaṇi, atthi tattha surāmerayamajjapamādaṭṭhānanti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Atthi devesu pāṇātipātā veramaṇi, natthi tattha pāṇātipātoti? Āmantā. Atthi manussesu pāṇātipātā veramaṇi, natthi tattha pāṇātipātoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Atthi devesu surāmerayamajjapamādaṭṭhānā veramaṇi, natthi tattha surāmerayamajjapamādaṭṭhānanti? Āmantā. Atthi manussesu surāmerayamajjapamādaṭṭhānā veramaṇi, natthi tattha surāmerayamajjapamādaṭṭhānanti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Natthi devesu saṁvaroti? Āmantā. Sabbe devā pāṇātipātino adinnādāyino kāmesumicchācārino musāvādino surāmerayamajjapamādaṭṭhāyinoti? Na hevaṁ vattabbe …pe… tena hi atthi devesu saṁvaroti.