Abhidhamma Piṭaka
16.20. Kusalattika, Cittasamuṭṭhānaduka
16.20. Kusalattika, Cittasamuṭṭhānaduka
Kusalaṁ cittasamuṭṭhānaṁ dhammaṁ paṭicca naakusalo nacittasamuṭṭhāno dhammo uppajjati hetupaccayā. Kusalaṁ cittasamuṭṭhānaṁ dhammaṁ paṭicca naabyākato nacittasamuṭṭhāno dhammo uppajjati hetupaccayā. Kusalaṁ cittasamuṭṭhānaṁ dhammaṁ paṭicca naakusalo nacittasamuṭṭhāno ca naabyākato nacittasamuṭṭhāno ca dhammā uppajjanti hetupaccayā … tīṇi.
Akusalaṁ cittasamuṭṭhānaṁ dhammaṁ paṭicca nakusalo nacittasamuṭṭhāno dhammo uppajjati hetupaccayā. Akusalaṁ cittasamuṭṭhānaṁ dhammaṁ paṭicca naabyākato nacittasamuṭṭhāno dhammo uppajjati hetupaccayā. Akusalaṁ cittasamuṭṭhānaṁ dhammaṁ paṭicca nakusalo nacittasamuṭṭhāno ca naabyākato nacittasamuṭṭhāno ca dhammā uppajjanti hetupaccayā … tīṇi.
Abyākataṁ cittasamuṭṭhānaṁ dhammaṁ paṭicca nakusalo nacittasamuṭṭhāno dhammo uppajjati hetupaccayā … tīṇi. (Saṅkhittaṁ.)
Hetuyā nava …pe… vipāke tīṇi …pe… avigate nava.
Kusalaṁ nocittasamuṭṭhānaṁ dhammaṁ paṭicca nakusalo nanocittasamuṭṭhāno dhammo uppajjati hetupaccayā … pañca.
Akusalaṁ nocittasamuṭṭhānaṁ dhammaṁ paṭicca naakusalo nanocittasamuṭṭhāno dhammo uppajjati hetupaccayā … pañca.
Abyākataṁ nocittasamuṭṭhānaṁ dhammaṁ paṭicca nakusalo nanocittasamuṭṭhāno dhammo uppajjati hetupaccayā … tīṇi. (Saṅkhittaṁ.)
Hetuyā terasa, ārammaṇe nava …pe… vipāke tīṇi …pe… avigate terasa.