Abhidhamma Piṭaka
14.3. Hetusampayuttaduka
14.3. Hetusampayuttaduka
Hetusampayuttaṁ dhammaṁ paṭicca nahetusampayutto dhammo uppajjati hetupaccayā. Hetusampayuttaṁ dhammaṁ paṭicca nahetuvippayutto dhammo uppajjati hetupaccayā. Hetusampayuttaṁ dhammaṁ paṭicca nahetusampayutto ca nahetuvippayutto ca dhammā uppajjanti hetupaccayā.
Hetuvippayuttaṁ dhammaṁ paṭicca nahetuvippayutto dhammo uppajjati hetupaccayā. Hetuvippayuttaṁ dhammaṁ paṭicca nahetusampayutto dhammo uppajjati hetupaccayā. Hetuvippayuttaṁ dhammaṁ paṭicca nahetusampayutto ca nahetuvippayutto ca dhammā uppajjanti hetupaccayā.
Hetusampayuttañca hetuvippayuttañca dhammaṁ paṭicca nahetusampayutto dhammo uppajjati hetupaccayā. Hetusampayuttañca hetuvippayuttañca dhammaṁ paṭicca nahetuvippayutto dhammo uppajjati hetupaccayā. Hetusampayuttañca hetuvippayuttañca dhammaṁ paṭicca nahetusampayutto ca nahetuvippayutto ca dhammā uppajjanti hetupaccayā. (Saṅkhittaṁ.)
Hetuyā nava, ārammaṇe cha, adhipatiyā pañca …pe… avigate nava. (Sahajātavārampi …pe… pañhāvārampi vitthāretabbaṁ.)
PEOPLE · PLACES · HIGHER MEANING
Preparing your experience…
This is taking a little longer. You can retry or continue with the available content.