Abhidhamma Piṭaka
21.1. Hetuduka, Kusalattika
21.1. Hetuduka, Kusalattika Namo tassa Bhagavato Arahato Sammāsambuddhassa.
Nahetuṁ nakusalaṁ dhammaṁ paccayā hetu kusalo dhammo uppajjati hetupaccayā. Nahetuṁ nakusalaṁ dhammaṁ paccayā nahetu kusalo dhammo uppajjati hetupaccayā. Nahetuṁ nakusalaṁ dhammaṁ paccayā hetu kusalo ca nahetu kusalo ca dhammā uppajjanti hetupaccayā. (Saṅkhittaṁ.) Hetuyā tīṇi …pe… avigate tīṇi.
Nahetuṁ naakusalaṁ dhammaṁ paccayā hetu akusalo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nahetuṁ naabyākataṁ dhammaṁ paṭicca nahetu abyākato dhammo uppajjati hetupaccayā. Nanahetuṁ naabyākataṁ dhammaṁ paṭicca nahetu abyākato dhammo uppajjati hetupaccayā. Nahetuṁ naabyākatañca nanahetuṁ naabyākatañca dhammaṁ paṭicca nahetu abyākato dhammo uppajjati hetupaccayā. (Saṅkhittaṁ.)
Hetuyā tīṇi, adhipatiyā tīṇi …pe… avigate tīṇi.