Abhidhamma Piṭaka 7.23.50

23.50. Sanidassanattika, Parittattika

Nasanidassanasappaṭighaṁ naparittaṁ dhammaṁ paṭicca sanidassanasappaṭigho paritto dhammo uppajjati hetupaccayā. (Saṅkhittaṁ.) Hetuyā ekavīsa, adhipatiyā ekavīsa …pe… aññamaññe tīṇi …pe… avigate ekavīsa.

Nasanidassanasappaṭighaṁ namahaggataṁ dhammaṁ paṭicca anidassanaappaṭigho mahaggato dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.

Nasanidassanasappaṭighaṁ naappamāṇaṁ dhammaṁ paccayā anidassanaappaṭigho appamāṇo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.