Pāli · Abhidhamma Piṭaka (Pāli, Mahāsaṅgīti)
Niyāmakathā
Niyāmo asaṅkhatoti? Āmantā. Nibbānaṁ tāṇaṁ leṇaṁ saraṇaṁ parāyanaṁ accutaṁ amatanti? Na hevaṁ vattabbe …pe….
TheravādaAbhidhamma Piṭaka 5.6.1HOLYMAP · SACRED TEXTS
Abhidhamma Piṭaka
Abhidhamma Piṭaka 5.6.1
Niyāmakathā
Pāli · Abhidhamma Piṭaka (Pāli, Mahāsaṅgīti)
Niyāmo asaṅkhato, nibbānaṁ asaṅkhatanti? Āmantā. Dve asaṅkhatānīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Dve asaṅkhatānīti? Āmantā. Dve tāṇāni dve leṇāni dve saraṇāni dve parāyanāni dve accutāni dve amatāni dve nibbānānīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Dve nibbānānīti? Āmantā. Atthi dvinnaṁ nibbānānaṁ uccanīcatā hīnapaṇītatā ukkaṁsāvakaṁso sīmā vā bhedo vā rāji vā antarikā vāti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Niyāmo asaṅkhatoti? Āmantā. Atthi keci niyāmaṁ okkamanti paṭilabhanti uppādenti samuppādenti uṭṭhāpenti samuṭṭhāpenti nibbattenti abhinibbattenti janenti sañjanentīti? Āmantā. Atthi keci asaṅkhataṁ okkamanti paṭilabhanti uppādenti samuppādenti uṭṭhāpenti samuṭṭhāpenti nibbattenti abhinibbattenti janenti sañjanentīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Niyāmo asaṅkhatoti? Āmantā. Maggo asaṅkhatoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Maggo saṅkhatoti? Āmantā. Niyāmo saṅkhatoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Sotāpattiniyāmo asaṅkhatoti? Āmantā. Sotāpattimaggo asaṅkhatoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Sotāpattimaggo saṅkhatoti? Āmantā. Sotāpattiniyāmo saṅkhatoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Sakadāgāminiyāmo …pe… anāgāminiyāmo …pe… arahattaniyāmo asaṅkhatoti? Āmantā. Arahattamaggo asaṅkhatoti? Na hevaṁ vattabbe …pe… arahattamaggo saṅkhatoti? Āmantā. Arahattaniyāmo saṅkhatoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Sotāpattiniyāmo asaṅkhato …pe… arahattaniyāmo asaṅkhato, nibbānaṁ asaṅkhatanti? Āmantā. Pañca asaṅkhatānīti? Na hevaṁ vattabbe …pe… pañca asaṅkhatānīti? Āmantā. Pañca tāṇāni …pe… antarikā vāti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Niyāmo asaṅkhatoti? Āmantā. Micchattaniyāmo asaṅkhatoti? Na hevaṁ vattabbe …pe… micchattaniyāmo saṅkhatoti? Āmantā. Sammattaniyāmo saṅkhatoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Na vattabbaṁ— “niyāmo asaṅkhato”ti? Āmantā. Niyāme uppajja niruddhe aniyato hotīti? Na hevaṁ vattabbe …pe…. Tena hi niyāmo asaṅkhatoti. Micchattaniyāme uppajja niruddhe aniyato hotīti? Na hevaṁ vattabbe …pe… tena hi micchattaniyāmo asaṅkhatoti.