Pāli · Abhidhamma Piṭaka (Pāli, Mahāsaṅgīti)
Anusayāanārammaṇātikathā
Anusayā anārammaṇāti? Āmantā. Rūpaṁ nibbānaṁ cakkhāyatanaṁ …pe… phoṭṭhabbāyatananti? Na hevaṁ vattabbe …pe….
TheravādaAbhidhamma Piṭaka 5.9.4HOLYMAP · SACRED TEXTS
Abhidhamma Piṭaka
Abhidhamma Piṭaka 5.9.4
Anusayāanārammaṇātikathā
Pāli · Abhidhamma Piṭaka (Pāli, Mahāsaṅgīti)
Kāmarāgānusayo anārammaṇoti? Āmantā. Kāmarāgo kāmarāgapariyuṭṭhānaṁ kāmarāgasaṁyojanaṁ kāmogho kāmayogo kāmacchandanīvaraṇaṁ anārammaṇanti? Na hevaṁ vattabbe …pe… kāmarāgo kāmarāgapariyuṭṭhānaṁ kāmarāgasaṁyojanaṁ kāmogho kāmayogo kāmacchandanīvaraṇaṁ sārammaṇanti? Āmantā. Kāmarāgānusayo sārammaṇoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Kāmarāgānusayo anārammaṇoti? Āmantā. Katamakkhandhapariyāpannoti? Saṅkhārakkhandhapariyāpannoti. Saṅkhārakkhandho anārammaṇoti? Na hevaṁ vattabbe …pe… saṅkhārakkhandho anārammaṇoti? Āmantā. Vedanākkhandho saññākkhandho viññāṇakkhandho anārammaṇoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Kāmarāgānusayo saṅkhārakkhandhapariyāpanno anārammaṇoti? Āmantā. Kāmarāgo saṅkhārakkhandhapariyāpanno anārammaṇoti? Na hevaṁ vattabbe …pe… kāmarāgo saṅkhārakkhandhapariyāpanno sārammaṇoti? Āmantā. Kāmarāgānusayo saṅkhārakkhandhapariyāpanno sārammaṇoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Kāmarāgānusayo saṅkhārakkhandhapariyāpanno anārammaṇo, kāmarāgo saṅkhārakkhandhapariyāpanno sārammaṇoti? Āmantā. Saṅkhārakkhandho ekadeso sārammaṇo ekadeso anārammaṇoti? Na hevaṁ vattabbe …pe… saṅkhārakkhandho ekadeso sārammaṇo ekadeso anārammaṇoti? Āmantā. Vedanākkhandho saññākkhandho viññāṇakkhandho ekadeso sārammaṇo ekadeso anārammaṇoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Paṭighānusayo mānānusayo diṭṭhānusayo vicikicchānusayo bhavarāgānusayo avijjānusayo anārammaṇoti? Āmantā. Avijjā avijjogho avijjāyogo avijjānusayo avijjāpariyuṭṭhānaṁ avijjāsaṁyojanaṁ avijjānīvaraṇaṁ anārammaṇanti? Na hevaṁ vattabbe …pe… avijjā avijjogho …pe… avijjānīvaraṇaṁ sārammaṇanti? Āmantā. Avijjānusayo sārammaṇoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Avijjānusayo anārammaṇoti? Āmantā. Katamakkhandhapariyāpannoti? Saṅkhārakkhandhapariyāpannoti. Saṅkhārakkhandho anārammaṇoti? Na hevaṁ vattabbe …pe… saṅkhārakkhandho anārammaṇoti? Āmantā. Vedanākkhandho saññākkhandho viññāṇakkhandho anārammaṇoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Avijjānusayo saṅkhārakkhandhapariyāpanno anārammaṇoti? Āmantā. Avijjā saṅkhārakkhandhapariyāpannā anārammaṇāti? Na hevaṁ vattabbe …pe… avijjā saṅkhārakkhandhapariyāpannā sārammaṇāti? Āmantā. Avijjānusayo saṅkhārakkhandhapariyāpanno sārammaṇoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Avijjānusayo saṅkhārakkhandhapariyāpanno anārammaṇo, avijjā saṅkhārakkhandhapariyāpannā sārammaṇāti? Āmantā. Saṅkhārakkhandho ekadeso sārammaṇo ekadeso anārammaṇoti? Na hevaṁ vattabbe …pe… saṅkhārakkhandho ekadeso sārammaṇo ekadeso anārammaṇoti? Āmantā. Vedanākkhandho saññākkhandho viññāṇakkhandho ekadeso sārammaṇo ekadeso anārammaṇoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Na vattabbaṁ— “anusayā anārammaṇā”ti? Āmantā. Puthujjano kusalābyākate citte vattamāne sānusayoti vattabboti? Āmantā. Atthi tesaṁ anusayānaṁ ārammaṇanti? Na hevaṁ vattabbe …pe… tena hi anusayā anārammaṇāti. Puthujjano kusalābyākate citte vattamāne sarāgoti vattabboti? Āmantā. Atthi tassa rāgassa ārammaṇanti? Na hevaṁ vattabbe …pe…. Tena hi rāgo anārammaṇoti.