Pāli · Abhidhamma Piṭaka (Pāli, Mahāsaṅgīti)
5. Pañcakauddesa
Pañca puggalā—
TheravādaAbhidhamma Piṭaka 4.1.5HOLYMAP · SACRED TEXTS
Abhidhamma Piṭaka
Abhidhamma Piṭaka 4.1.5
5. Pañcakauddesa
Pāli · Abhidhamma Piṭaka (Pāli, Mahāsaṅgīti)
Atthekacco puggalo ārabhati ca vippaṭisārī ca hoti, tañca cetovimuttiṁ paññāvimuttiṁ yathābhūtaṁ nappajānāti, yatthassa te uppannā pāpakā akusalā dhammā aparisesā nirujjhanti. Atthekacco puggalo ārabhati na vippaṭisārī ca hoti, tañca cetovimuttiṁ paññāvimuttiṁ yathābhūtaṁ nappajānāti, yatthassa te uppannā pāpakā akusalā dhammā aparisesā nirujjhanti. Atthekacco puggalo nārabhati vippaṭisārī ca hoti, tañca cetovimuttiṁ paññāvimuttiṁ yathābhūtaṁ nappajānāti, yatthassa te uppannā pāpakā akusalā dhammā aparisesā nirujjhanti. Atthekacco puggalo nārabhati na vippaṭisārī hoti, tañca cetovimuttiṁ paññāvimuttiṁ yathābhūtaṁ nappajānāti, yatthassa te uppannā pāpakā akusalā dhammā aparisesā nirujjhanti. Atthekacco puggalo nārabhati na vippaṭisārī hoti, tañca cetovimuttiṁ paññāvimuttiṁ yathābhūtaṁ pajānāti, yatthassa te uppannā pāpakā akusalā dhammā aparisesā nirujjhanti.
Pāli · Abhidhamma Piṭaka (Pāli, Mahāsaṅgīti)
Datvā avajānāti, saṁvāsena avajānāti, ādheyyamukho hoti, lolo hoti, mando momūho hoti.
Pāli · Abhidhamma Piṭaka (Pāli, Mahāsaṅgīti)
Pañca yodhājīvūpamā puggalā.
Pāli · Abhidhamma Piṭaka (Pāli, Mahāsaṅgīti)
Pañca piṇḍapātikā.
Pāli · Abhidhamma Piṭaka (Pāli, Mahāsaṅgīti)
Pañca khalupacchābhattikā.
Pāli · Abhidhamma Piṭaka (Pāli, Mahāsaṅgīti)
Pañca ekāsanikā.
Pāli · Abhidhamma Piṭaka (Pāli, Mahāsaṅgīti)
Pañca paṁsukūlikā.
Pāli · Abhidhamma Piṭaka (Pāli, Mahāsaṅgīti)
Pañca tecīvarikā.
Pāli · Abhidhamma Piṭaka (Pāli, Mahāsaṅgīti)
Pañca āraññikā.
Pāli · Abhidhamma Piṭaka (Pāli, Mahāsaṅgīti)
Pañca rukkhamūlikā.
Pāli · Abhidhamma Piṭaka (Pāli, Mahāsaṅgīti)
Pañca abbhokāsikā.
Pāli · Abhidhamma Piṭaka (Pāli, Mahāsaṅgīti)
Pañca nesajjikā.
Pāli · Abhidhamma Piṭaka (Pāli, Mahāsaṅgīti)
Pañca yathāsanthatikā.
Pāli · Abhidhamma Piṭaka (Pāli, Mahāsaṅgīti)
Pañca sosānikā.