Abhidhamma Piṭaka
23.47. Sanidassanattika, Dassanahetuttika
23.47. Sanidassanattika, Dassanahetuttika
Nasanidassanasappaṭighaṁ nadassanena pahātabbahetukaṁ dhammaṁ paṭicca anidassanaappaṭigho dassanena pahātabbahetuko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nasanidassanasappaṭighaṁ nabhāvanāya pahātabbahetukaṁ dhammaṁ paṭicca anidassanaappaṭigho bhāvanāya pahātabbahetuko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nasanidassanasappaṭighaṁ nanevadassanena nabhāvanāya pahātabbahetukaṁ dhammaṁ paṭicca sanidassanasappaṭigho nevadassanena nabhāvanāya pahātabbahetuko dhammo uppajjati hetupaccayā. (Saṅkhittaṁ.) Hetuyā ekavīsa, ārammaṇe tīṇi …pe… avigate ekavīsa.