Abhidhamma Piṭaka 7.22.24

22.24. Atītattikadvaya, Hetuduka

Naatīto nanahetu dhammo paccuppannassa nahetussa dhammassa hetupaccayena paccayo. Naanāgato nanahetu dhammo paccuppannassa nahetussa dhammassa hetupaccayena paccayo. Naatīto nanahetu ca naanāgato nanahetu ca dhammā paccuppannassa nahetussa dhammassa hetupaccayena paccayo. (Saṅkhittaṁ.)

Hetuyā tīṇi, ārammaṇe adhipatiyā cha, anantare tīṇi …pe… upanissaye cha …pe… avigate tīṇi.

Naatītārammaṇaṁ nahetuṁ dhammaṁ paṭicca atītārammaṇo hetu dhammo uppajjati hetupaccayā. (Saṅkhittaṁ.)

Hetuyā sattarasa, ārammaṇe sattarasa, adhipatiyā nava …pe… purejāte āsevane nava …pe… avigate sattarasa.