Pāli · Abhidhamma Piṭaka (Pāli, Mahāsaṅgīti)
Dibbacakkhukathā
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Maṁsacakkhuṁ dibbacakkhuṁ, dibbacakkhuṁ maṁsacakkhunti? Na hevaṁ vattabbe …pe….
TheravādaAbhidhamma Piṭaka 5.3.7HOLYMAP · SACRED TEXTS
Abhidhamma Piṭaka
Abhidhamma Piṭaka 5.3.7
Dibbacakkhukathā
Pāli · Abhidhamma Piṭaka (Pāli, Mahāsaṅgīti)
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Yādisaṁ maṁsacakkhuṁ tādisaṁ dibbacakkhuṁ, yādisaṁ dibbacakkhuṁ tādisaṁ maṁsacakkhunti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Taññeva maṁsacakkhuṁ taṁ dibbacakkhuṁ, taṁ dibbacakkhuṁ taṁ maṁsacakkhunti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Yādiso maṁsacakkhussa visayo ānubhāvo gocaro tādiso dibbassa cakkhussa visayo ānubhāvo gocaroti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Upādinnaṁ hutvā anupādinnaṁ hotīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Upādinnaṁ hutvā anupādinnaṁ hotīti? Āmantā. Kāmāvacaraṁ hutvā rūpāvacaraṁ hotīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Kāmāvacaraṁ hutvā rūpāvacaraṁ hotīti? Āmantā. Rūpāvacaraṁ hutvā arūpāvacaraṁ hotīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Rūpāvacaraṁ hutvā arūpāvacaraṁ hotīti? Āmantā. Pariyāpannaṁ hutvā apariyāpannaṁ hotīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Dibbacakkhuṁ dhammupatthaddhaṁ maṁsacakkhuṁ hotīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Dibbacakkhuṁ dhammupatthaddhaṁ paññācakkhuṁ hotīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Dibbacakkhuṁ dhammupatthaddhaṁ maṁsacakkhuṁ hotīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Maṁsacakkhuṁ dhammupatthaddhaṁ dibbacakkhuṁ hotīti? Āmantā. Dveva cakkhūnīti? Na hevaṁ vattabbe …pe… dveva cakkhūnīti? Āmantā. Nanu tīṇi cakkhūni vuttāni bhagavatā— maṁsacakkhuṁ, dibbacakkhuṁ, paññācakkhunti? Āmantā. Hañci tīṇi cakkhūni vuttāni bhagavatā— maṁsacakkhuṁ, dibbacakkhuṁ, paññācakkhuṁ, no ca vata re vattabbe— “dveva cakkhūnī”ti.
Pāli · Abhidhamma Piṭaka (Pāli, Mahāsaṅgīti)
Dveva cakkhūnīti? Āmantā. Nanu vuttaṁ bhagavatā— “tīṇimāni, bhikkhave, cakkhūni. Katamāni tīṇi? Maṁsacakkhuṁ, dibbacakkhuṁ, paññācakkhunti— imāni kho, bhikkhave, tīṇi cakkhūnī”ti.
Pāli · Abhidhamma Piṭaka (Pāli, Mahāsaṅgīti)
“Maṁsacakkhuṁ dibbacakkhuṁ, Paññācakkhuṁ anuttaraṁ; Etāni tīṇi cakkhūni, Akkhāsi purisuttamo.
Pāli · Abhidhamma Piṭaka (Pāli, Mahāsaṅgīti)
Maṁsacakkhussa uppādo, maggo dibbassa cakkhuno; Yadā ca ñāṇaṁ udapādi, paññācakkhuṁ anuttaraṁ; Tassa cakkhussa paṭilābhā, sabbadukkhā pamuccatī”ti.
Pāli · Abhidhamma Piṭaka (Pāli, Mahāsaṅgīti)
Attheva suttantoti? Āmantā. Tena hi na vattabbaṁ— “dveva cakkhūnī”ti.