Pāli · Abhidhamma Piṭaka (Pāli, Mahāsaṅgīti)
Anantarāpayuttakathā
Anantarāpayutto puggalo sammattaniyāmaṁ okkameyyāti? Āmantā. Micchattaniyāmañca sammattaniyāmañca ubho okkameyyāti? Na hevaṁ vattabbe …pe…
TheravādaAbhidhamma Piṭaka 5.13.3HOLYMAP · SACRED TEXTS
Abhidhamma Piṭaka
Abhidhamma Piṭaka 5.13.3
Anantarāpayuttakathā
Pāli · Abhidhamma Piṭaka (Pāli, Mahāsaṅgīti)
Anantarāpayutto puggalo sammattaniyāmaṁ okkameyyāti? Āmantā. Nanu taṁ kammaṁ payuttaṁ kukkuccaṁ uppāditaṁ vippaṭisāriyaṁ janitanti? Āmantā. Hañci taṁ kammaṁ payuttaṁ kukkuccaṁ uppāditaṁ vippaṭisāriyaṁ janitaṁ, no ca vata re vattabbe— “anantarāpayutto puggalo sammattaniyāmaṁ okkameyyā”ti.
Pāli · Abhidhamma Piṭaka (Pāli, Mahāsaṅgīti)
Anantarāpayutto puggalo abhabbo sammattaniyāmaṁ okkamitunti? Āmantā. Mātā jīvitā voropitā … pitā jīvitā voropito … arahā jīvitā voropito … duṭṭhena cittena tathāgatassa lohitaṁ uppāditaṁ … saṅgho bhinnoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Anantarāpayutto puggalo taṁ kammaṁ paṭisaṁharitvā kukkuccaṁ paṭivinodetvā vippaṭisāriyaṁ paṭivinetvā abhabbo sammattaniyāmaṁ okkamitunti? Āmantā. Mātā jīvitā voropitā … pitā jīvitā voropito …pe… saṅgho bhinnoti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Anantarāpayutto puggalo taṁ kammaṁ paṭisaṁharitvā kukkuccaṁ paṭivinodetvā vippaṭisāriyaṁ paṭivinetvā abhabbo sammattaniyāmaṁ okkamitunti? Āmantā. Nanu taṁ kammaṁ paṭisaṁhaṭaṁ kukkuccaṁ paṭivinoditaṁ vippaṭisāriyaṁ paṭivinītanti? Āmantā. Hañci taṁ kammaṁ paṭisaṁhaṭaṁ kukkuccaṁ paṭivinoditaṁ vippaṭisāriyaṁ paṭivinītaṁ, no ca vata re vattabbe— “anantarāpayutto puggalo taṁ kammaṁ paṭisaṁharitvā kukkuccaṁ paṭivinodetvā vippaṭisāriyaṁ paṭivinetvā abhabbo sammattaniyāmaṁ okkamitun”ti.
Pāli · Abhidhamma Piṭaka (Pāli, Mahāsaṅgīti)
Anantarāpayutto puggalo sammattaniyāmaṁ okkameyyāti? Āmantā. Nanu taṁ kammaṁ payutto āsīti? Āmantā. Hañci taṁ kammaṁ payutto āsi, no ca vata re vattabbe— “anantarāpayutto puggalo sammattaniyāmaṁ okkameyyā”ti.