Abhidhamma Piṭaka 7.17.13

17.13. Kusalattika, Hīnattika

Akusalaṁ hīnaṁ dhammaṁ paṭicca naakusalo nahīno dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.

Abyākataṁ majjhimaṁ dhammaṁ paccayā naabyākato namajjhimo dhammo uppajjati hetupaccayā. (Saṅkhittaṁ.) Hetuyā cha, ārammaṇe cha …pe… āsevane pañca …pe… vipāke tīṇi …pe… avigate cha.

Kusalaṁ paṇītaṁ dhammaṁ paṭicca nakusalo napaṇīto dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… vipāke tīṇi …pe… avigate cha.