Abhidhamma Piṭaka 7.20.2

20.2. Cūḷantaraduka

Naappaccayaṁ dhammaṁ paṭicca sappaccayo dhammo uppajjati hetupaccayā. (Saṅkhittaṁ.)

Hetuyā ekaṁ …pe… avigate ekaṁ.

Naasaṅkhataṁ dhammaṁ paṭicca saṅkhato dhammo uppajjati hetupaccayā. (Saṅkhittaṁ.)

Hetuyā ekaṁ …pe… avigate ekaṁ.

Nasanidassanaṁ dhammaṁ paṭicca sanidassano dhammo uppajjati hetupaccayā. Nasanidassanaṁ dhammaṁ paṭicca anidassano dhammo uppajjati hetupaccayā. Nasanidassanaṁ dhammaṁ paṭicca sanidassano ca anidassano ca dhammā uppajjanti hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi.

Nasanidassano dhammo sanidassanassa dhammassa hetupaccayena paccayo … tīṇi.

Nasanidassano dhammo anidassanassa dhammassa ārammaṇapaccayena paccayo. Naanidassano dhammo anidassanassa dhammassa ārammaṇapaccayena paccayo. (Saṅkhittaṁ.)

Hetuyā tīṇi, ārammaṇe dve, adhipatiyā cattāri, anantare samanantare ekaṁ, sahajāte tīṇi, aññamaññe ekaṁ, nissaye tīṇi, upanissaye dve, purejāte pacchājāte tīṇi, āsevane ekaṁ, kamme tīṇi, vipāke …pe… magge tīṇi, sampayutte ekaṁ, vippayutte tīṇi …pe… avigate pañca.

Nasappaṭighaṁ dhammaṁ paṭicca sappaṭigho dhammo uppajjati hetupaccayā. Nasappaṭighaṁ dhammaṁ paṭicca appaṭigho dhammo uppajjati hetupaccayā. Nasappaṭighaṁ dhammaṁ paṭicca sappaṭigho ca appaṭigho ca dhammā uppajjanti hetupaccayā.

Naappaṭighaṁ dhammaṁ paṭicca appaṭigho dhammo uppajjati hetupaccayā. Naappaṭighaṁ dhammaṁ paṭicca sappaṭigho dhammo uppajjati hetupaccayā. Naappaṭighaṁ dhammaṁ paṭicca sappaṭigho ca appaṭigho ca dhammā uppajjanti hetupaccayā.

Nasappaṭighañca naappaṭighañca dhammaṁ paṭicca sappaṭigho dhammo uppajjati hetupaccayā … tīṇi. (Saṅkhittaṁ.)

Hetuyā nava, ārammaṇe ekaṁ …pe… aññamaññe cha …pe… avigate nava.

Narūpiṁ dhammaṁ paṭicca rūpī dhammo uppajjati hetupaccayā. (Saṅkhittaṁ.)

Hetuyā nava, ārammaṇe tīṇi, adhipatiyā pañca …pe… aññamaññe cha …pe… purejāte āsevane ekaṁ …pe… avigate nava.

Nalokiyaṁ dhammaṁ paṭicca lokiyo dhammo uppajjati hetupaccayā. Nalokiyaṁ dhammaṁ paṭicca lokuttaro dhammo uppajjati hetupaccayā. Nalokiyaṁ dhammaṁ paṭicca lokiyo ca lokuttaro ca dhammā uppajjanti hetupaccayā.

Nalokuttaraṁ dhammaṁ paṭicca lokiyo dhammo uppajjati hetupaccayā.

Nalokiyañca nalokuttarañca dhammaṁ paṭicca lokiyo dhammo uppajjati hetupaccayā. (1.) (Saṅkhittaṁ.)

Hetuyā pañca, ārammaṇe dve …pe… avigate pañca.

Nakenaci viññeyyaṁ dhammaṁ paṭicca kenaci viññeyyo dhammo uppajjati hetupaccayā. (Saṅkhittaṁ.)

Hetuyā nava …pe… avigate nava.