Abhidhamma Piṭaka
16.83. Sanidassanattika, Savicāraduka
16.83. Sanidassanattika, Savicāraduka
Anidassanaappaṭighaṁ savicāraṁ dhammaṁ paṭicca naanidassanaappaṭigho nasavicāro dhammo uppajjati hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha.
Anidassanaappaṭighaṁ avicāraṁ dhammaṁ paṭicca nasanidassanasappaṭigho naavicāro dhammo uppajjati hetupaccayā. Anidassanaappaṭighaṁ avicāraṁ dhammaṁ paṭicca naanidassanasappaṭigho naavicāro dhammo uppajjati hetupaccayā. Anidassanaappaṭighaṁ avicāraṁ dhammaṁ paṭicca nasanidassanasappaṭigho naavicāro ca naanidassanasappaṭigho naavicāro ca dhammā uppajjanti hetupaccayā. (Saṅkhittaṁ.) Hetuyā tīṇi …pe… avigate tīṇi.