Abhidhamma Piṭaka 7.22.23

22.23. Hīnattikādi, Hetuduka

Nahīnaṁ nahetuṁ dhammaṁ paṭicca majjhimo hetu dhammo uppajjati hetupaccayā. (Saṅkhittaṁ.)

Hetuyā nava …pe… vipāke cha …pe… avigate nava.

Namicchattaniyataṁ nahetuṁ dhammaṁ paṭicca sammattaniyato hetu dhammo uppajjati hetupaccayā. (Saṅkhittaṁ.)

Hetuyā nava …pe… vipāke tīṇi …pe… avigate nava.

Namaggārammaṇaṁ nahetuṁ dhammaṁ paṭicca maggārammaṇo hetu dhammo uppajjati hetupaccayā. (Saṅkhittaṁ.)

Hetuyā chabbīsa …pe… āsevane pannarasa …pe… avigate chabbīsa.

Naanuppanno nanahetu dhammo uppannassa nahetussa dhammassa hetupaccayena paccayo. Nauppādī nanahetu dhammo uppannassa nahetussa dhammassa hetupaccayena paccayo. Naanuppanno nanahetu ca nauppādī nanahetu ca dhammā uppannassa nahetussa dhammassa hetupaccayena paccayo. (Saṅkhittaṁ.)

Hetuyā tīṇi, ārammaṇe cha, adhipatiyā tīṇi, sahajāte aññamaññe nissaye tīṇi, upanissaye cha, pacchājāte vipāke indriye magge sampayutte vippayutte atthiyā avigate tīṇi.