Abhidhamma Piṭaka
16.6. Kusalattika, Hetusahetukaduka
16.6. Kusalattika, Hetusahetukaduka
Kusalaṁ nahetuṁ sahetukaṁ dhammaṁ paṭicca nakusalo nahetu nasahetuko dhammo uppajjati hetupaccayā. Kusalaṁ nahetuṁ sahetukaṁ dhammaṁ paṭicca naakusalo nahetu nasahetuko dhammo uppajjati hetupaccayā. Kusalaṁ nahetuṁ sahetukaṁ dhammaṁ paṭicca nakusalo nahetu nasahetuko ca naakusalo nahetu nasahetuko ca dhammā uppajjanti hetupaccayā … tīṇi.
Akusalaṁ nahetuṁ sahetukaṁ … tīṇi.
Abyākataṁ nahetuṁ sahetukaṁ dhammaṁ paṭicca nakusalo …pe… naakusalo …pe… nakusalo nahetu nasahetuko ca naakusalo nahetu nasahetuko ca dhammā uppajjanti hetupaccayā … tīṇi.
Hetuyā nava …pe… aññamaññe tīṇi …pe… vipāke tīṇi …pe… avigate nava.
Abyākataṁ nahetuṁ ahetukaṁ dhammaṁ paṭicca nakusalo nahetu naahetuko dhammo uppajjati hetupaccayā. Abyākataṁ nahetuṁ ahetukaṁ dhammaṁ paṭicca naakusalo nahetu naahetuko dhammo uppajjati hetupaccayā. Abyākataṁ nahetuṁ ahetukaṁ dhammaṁ paṭicca nakusalo nahetu naahetuko ca naakusalo nahetu naahetuko ca dhammā uppajjanti hetupaccayā.
Hetuyā tīṇi …pe… avigate tīṇi.