Abhidhamma Piṭaka
23.18. Kusalattika, Ajjhattattikadvaya
23.18. Kusalattika, Ajjhattattikadvaya
Nakusalo naajjhatto dhammo ajjhattassa kusalassa dhammassa ārammaṇapaccayena paccayo. (Saṅkhittaṁ.) Ārammaṇe aṭṭhārasa, adhipatiyā soḷasa, upanissaye aṭṭhārasa, purejāte atthiyā avigate nava.
Nakusalo nabahiddhā dhammo bahiddhā kusalassa dhammassa ārammaṇapaccayena paccayo. (Saṅkhittaṁ.) Ārammaṇe aṭṭhārasa, adhipatiyā cha, upanissaye aṭṭhārasa, purejāte atthiyā avigate nava.
Nakusalaṁ naajjhattārammaṇaṁ dhammaṁ paṭicca abyākato ajjhattārammaṇo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nakusalaṁ nabahiddhārammaṇaṁ dhammaṁ paṭicca abyākato bahiddhārammaṇo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.