Abhidhamma Piṭaka 7.17.24

17.24. Saṅkiliṭṭhattika, Kusalattika

Asaṅkiliṭṭhasaṅkilesikaṁ kusalaṁ dhammaṁ paṭicca nasaṅkiliṭṭhasaṅkilesiko nakusalo dhammo uppajjati hetupaccayā … tīṇi.

Asaṅkiliṭṭhaasaṅkilesikaṁ kusalaṁ dhammaṁ paṭicca naasaṅkiliṭṭhaasaṅkilesiko nakusalo dhammo uppajjati hetupaccayā … tīṇi. (Saṅkhittaṁ.) Hetuyā cha, adhipatiyā cha …pe… avigate cha.

Saṅkiliṭṭhasaṅkilesikaṁ akusalaṁ dhammaṁ paṭicca nasaṅkiliṭṭhasaṅkilesiko naakusalo dhammo uppajjati hetupaccayā … tīṇi. (Saṅkhittaṁ.) Hetuyā adhipatiyā tīṇi …pe… avigate tīṇi.

Asaṅkiliṭṭhasaṅkilesikaṁ abyākataṁ dhammaṁ paccayā naasaṅkiliṭṭhasaṅkilesiko naabyākato dhammo uppajjati hetupaccayā. (Saṅkhittaṁ.) Hetuyā cha …pe… avigate cha.