Abhidhamma Piṭaka 7.14.32

14.32. Kāmāvacaradukādi

Kāmāvacaraṁ dhammaṁ paṭicca nakāmāvacaro dhammo uppajjati hetupaccayā … tīṇi.

Nakāmāvacaraṁ dhammaṁ paṭicca nanakāmāvacaro dhammo uppajjati hetupaccayā. (Saṅkhittaṁ.)

Hetuyā nava, ārammaṇe cattāri, adhipatiyā pañca …pe… aññamaññe cha …pe… purejāte āsevane dve …pe… avigate nava.

Rūpāvacaraṁ dhammaṁ paṭicca narūpāvacaro dhammo uppajjati hetupaccayā … tīṇi.

Narūpāvacaraṁ dhammaṁ paṭicca nanarūpāvacaro dhammo uppajjati hetupaccayā. (Saṅkhittaṁ.)

Hetuyā nava, ārammaṇe cattāri, adhipatiyā pañca …pe… aññamaññe cha …pe… purejāte āsevane dve …pe… avigate nava.

Arūpāvacaraṁ dhammaṁ paṭicca naarūpāvacaro dhammo uppajjati hetupaccayā … tīṇi.

Naarūpāvacaraṁ dhammaṁ paṭicca nanaarūpāvacaro dhammo uppajjati hetupaccayā.

Arūpāvacarañca naarūpāvacarañca dhammaṁ paṭicca naarūpāvacaro dhammo uppajjati hetupaccayā. (Saṅkhittaṁ.)

Hetuyā pañca, ārammaṇe dve …pe… vipāke dve …pe… avigate pañca.