Pāli · Abhidhamma Piṭaka (Pāli, Mahāsaṅgīti)
Sabbasaṁyojanappahānakathā
Sabbasaṁyojanānaṁ pahānaṁ arahattanti? Āmantā. Arahattamaggena sabbe saṁyojanā pahīyantīti? Na hevaṁ vattabbe …pe….
TheravādaAbhidhamma Piṭaka 5.4.10HOLYMAP · SACRED TEXTS
Abhidhamma Piṭaka
Abhidhamma Piṭaka 5.4.10
Sabbasaṁyojanappahānakathā
Pāli · Abhidhamma Piṭaka (Pāli, Mahāsaṅgīti)
Arahattamaggena sabbe saṁyojanā pahīyantīti? Āmantā. Arahattamaggena sakkāyadiṭṭhiṁ vicikicchaṁ sīlabbataparāmāsaṁ pajahatīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Arahattamaggena sakkāyadiṭṭhiṁ vicikicchaṁ sīlabbataparāmāsaṁ pajahatīti? Āmantā. Nanu tiṇṇaṁ saṁyojanānaṁ pahānaṁ sotāpattiphalaṁ vuttaṁ bhagavatāti? Āmantā. Hañci tiṇṇaṁ saṁyojanānaṁ pahānaṁ sotāpattiphalaṁ vuttaṁ bhagavatā, no ca vata re vattabbe— “arahattamaggena sabbe saṁyojanā pahīyantī”ti.
Pāli · Abhidhamma Piṭaka (Pāli, Mahāsaṅgīti)
Arahattamaggena sabbe saṁyojanā pahīyantīti? Āmantā. Arahattamaggena oḷārikaṁ kāmarāgaṁ oḷārikaṁ byāpādaṁ pajahatīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Arahattamaggena oḷārikaṁ kāmarāgaṁ oḷārikaṁ byāpādaṁ pajahatīti? Āmantā. Nanu kāmarāgabyāpādānaṁ tanubhāvaṁ sakadāgāmiphalaṁ vuttaṁ bhagavatāti? Āmantā. Hañci kāmarāgabyāpādānaṁ tanubhāvaṁ sakadāgāmiphalaṁ vuttaṁ bhagavatā, no ca vata re vattabbe— “arahattamaggena sabbe saṁyojanā pahīyantī”ti.
Pāli · Abhidhamma Piṭaka (Pāli, Mahāsaṅgīti)
Arahattamaggena sabbe saṁyojanā pahīyantīti? Āmantā. Arahattamaggena aṇusahagataṁ kāmarāgaṁ aṇusahagataṁ byāpādaṁ pajahatīti? Na hevaṁ vattabbe …pe….
Pāli · Abhidhamma Piṭaka (Pāli, Mahāsaṅgīti)
Arahattamaggena aṇusahagataṁ kāmarāgaṁ aṇusahagataṁ byāpādaṁ pajahatīti? Āmantā. Nanu kāmarāgabyāpādānaṁ anavasesappahānaṁ anāgāmiphalaṁ vuttaṁ bhagavatāti? Āmantā. Hañci kāmarāgabyāpādānaṁ anavasesappahānaṁ anāgāmiphalaṁ vuttaṁ bhagavatā, no ca vata re vattabbe— “arahattamaggena sabbe saṁyojanā pahīyantī”ti.
Pāli · Abhidhamma Piṭaka (Pāli, Mahāsaṅgīti)
Arahattamaggena sabbe saṁyojanā pahīyantīti? Āmantā. Nanu rūparāgaarūparāgamānauddhaccaavijjāya anavasesappahānaṁ arahattaṁ vuttaṁ bhagavatāti? Āmantā. Hañci rūparāgaarūparāgamānauddhaccaavijjāya anavasesappahānaṁ arahattaṁ vuttaṁ bhagavatā, no ca vata re vattabbe— “arahattamaggena sabbe saṁyojanā pahīyantī”ti.
Pāli · Abhidhamma Piṭaka (Pāli, Mahāsaṅgīti)
Na vattabbaṁ— “sabbasaṁyojanānaṁ pahānaṁ arahattan”ti? Āmantā. Nanu arahato sabbe saṁyojanā pahīnāti? Āmantā. Hañci arahato sabbe saṁyojanā pahīnā, tena vata re vattabbe— “sabbasaṁyojanānaṁ pahānaṁ arahattan”ti.