Abhidhamma Piṭaka 7.22.26

22.26. Sanidassanattika, Hetuduka

Nasanidassanasappaṭighaṁ nahetuṁ dhammaṁ paṭicca anidassanaappaṭigho hetu dhammo uppajjati hetupaccayā. Naanidassanasappaṭighaṁ nahetuṁ dhammaṁ paṭicca anidassanaappaṭigho hetu dhammo uppajjati hetupaccayā. Nasanidassanasappaṭighaṁ nahetuñca naanidassanasappaṭighaṁ nahetuñca dhammaṁ paṭicca anidassanaappaṭigho hetu dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.

Nasanidassanasappaṭighaṁ nanahetuṁ dhammaṁ paṭicca sanidassanasappaṭigho nahetu dhammo uppajjati hetupaccayā. Nasanidassanasappaṭighaṁ nanahetuṁ dhammaṁ paṭicca anidassanasappaṭigho nahetu dhammo uppajjati hetupaccayā. (Nahetu nanahetu ovattā, tīṇi mūlāni, ekavīsati pañhā kātabbā.) Hetuyā ekavīsa, ārammaṇe tīṇi …pe… avigate ekavīsa.